鱼竿竿

嗜喵成狂③ （END）

吉榎

吉榎

吉榎

补习天王X开锁佬

粤语版的自娱自乐

“哇~榎本你快d黎睇下~”青祗坐在工作台上刷推，推上一个叫“人民教师”的账号发张图片，赤裸的男人身前只有一块牌写着“对唔住，我以后唔会再冲红灯了”后面仲有个“哭唧唧”既颜表情。

岩翻工作室既榎本扫咗一眼问青祗“今日芹泽律师度毋野做咩。”

青祗苦瓜感样话“吊颈都要比人透下气啊~见今日得闲就过黎搵你倾下计咯。”

“睇黎今日你黎得唔系时候，我一阵间要出去上门装野，走果时帮我拉埋度门。”“系~”行上阁楼执去吉本家既野，毋几耐就拉住个细箱仔出门。

同上次一样开住架货van去到吉本屋企附件停低，拉住个箱咕噜咕噜咕噜走去坐电梯，点知一出电梯就见到吉本同一个后生女系门口讲野。一头大波浪卷，精致既妆容，着到全身都系度卖凉粉，榎本不由自主感觉得凉风阵阵缩了缩条颈。

“感讲好下次一齐出黎玩了喔~掰掰~”

“系了系了~路上小心d啊，掰掰~”

“诶？阿径你黎咗啦，快d入黎~”【拉住个箱仔既猫猫可爱度200%，点解见到靓女就感down呢……】一边招呼榎本一边退回去拿拖鞋，女仔经过既时候有阵果香味同屋企入边既花香主调唔一样，应该唔系吉本女朋友……

拖鞋仲系上次果对粉红毛毛拖鞋，着上脚系微暖既感觉，莫非岩先个女仔……【宜家d人有钱就变坏，仲要叫到好似好熟感】

“今日我主要负责房间门锁既部分，大门同埋窗会由我同事负责，一阵就会上黎装了。”

本来以为今日可以同榎本共处一室既吉本老师老马失蹄，为有捻过第二d计了……

一阵间，榎本同事就上咗黎开始拆的拆，装的装。第一次上门既时候榎本就留意到吉本毫不掩盖既视奸，估唔到今日上黎吉本度距依然都系感直接。

【啧 做么成日望住我啊？今日着工装同上次一样啊~唔通距有工装癖？！？！？！】一直好在意吉本既目光，坐系矮梯上面装锁既榎本另转头就见到距趴系沙发靠背上笑到阳光灿烂感望住自己。【不妙不妙，要快手少少，早d收工走人】

吉本几乎睇到，一条毛绒绒既尾从工衣外套下面伸出来，扫过堂梯同自己摆两摆。【最衰有外人系度，如果唔系就可以……】

三两下手势就装好房间锁了，榎本开始拾野走人，终于可以放工既心情形成欢快既磁场感染周围

【啊…真系有条尾呢】

“阿径感急走既？唔使等埋同事收尾？”踢踏住对毛毛拖行到蹲着的榎本旁边

“我负责既部分已经完成了，所以先走一步了，之后有咩事吉本先生可以打公司电话联系反映。”榎本搞掂就捻住快d撇

“等阵！感个耳机呢？”继续发挥死皮赖脸既特性留人

“吉本先生可以宜家用现金支付。”猫猫快速感回答

“我毋甘多现金放系屋企喔，不如我宜家同你出去买翻个？一阵就送你翻黎。”抬眼对上人畜无害既大眼萌

【啊！！！上目线！！！猫猫最高！！！】

“……好了”就感上咗吉本架贼车，明知呢个人鬼感多套路，但系已经好多日毋耳机用既榎本就黎忍无可忍了，毋办法先至感做，唯有系心入边感安慰自己，好快就好了。

入到商场，榎本行去之前用开既牌子度再买过个，吉本拉住距坐电梯上楼。

“诶？做咩…唔系买耳机咩？”镜片后面的瞳孔放大，猫猫炸毛了

“反正都系我俾钱，买过个好d既当我补偿你既”果然，猫猫仲系好好哄既……

被吉本拉住走入一件铺，平时榎本都会入去试听下d耳机，但系都只系试听，毕竟价钱太过美妙，唔岩距要储钱开店的“大方针”。入到去吉本就熟门路感同售货员讲“唔该摞音质好既几只款出黎。”

“感你系度拣住先，我去买包烟一阵就翻，车匙留低俾你唔使惊我走佬~”讲完就摆低车匙走人，见距感实牙实齿就毋怀疑吉本由得距行开，一边拣耳机一边计部车可以买到几多个耳机。

毋几耐吉本就一袋二袋感翻黎，“阿径~我翻黎啦~睇岩边个啊~”榎本恍然有种多咗个男朋友既错觉……“就呢个得了……”虽然话唔系自己既钱，但系都唔系感好意思使人钱，系入边拣咗个性价比算高既入耳，帮距揸住d袋等吉本刷卡，刷完卡吉本俾埋耳机自己毋接翻d袋。

“呢几袋野？？？”【！！！咩事！做咩对我感好？无事献殷勤非奸即盗，睇距个样想食咗我都似…】

“啊~呢d系送俾阿径既衫~你揸住啦~我去个厕所就摞车送你翻我屋企啦~”榎本未黎得切拒绝距就走咗入去了

走入男厕既吉本唔知道猫猫已经捻紧要唔要摆低d袋净系摞个耳机就走人，又惊d野俾人摞走，万一距一阵开去宾馆话透阵先都有可能，系榎本捻紧100种“如何逃脱魔爪”既时候…

“喂！厕所有个斜挎包既男人撞亲个头啊！有毋人识距嘎？…喂~999啊？呢度系咩咩广场3楼男厕有人冚亲个头晕咗系地，留咗好多血啊，快d派部救护车黎啦”

【斜挎包？吉本唔会感番薯啊嘛？】

拎住d袋入去一睇，吉本训系地下度，头后面有滩血浸湿晒头发，吓到榎本丢低d袋就去扶距起身

“吉本先生！吉本先生！！！”见吉本毫无反应，榎本只好用自己的衣服捂住出血位置等待救护车将两个人同埋大包小包带去医院……

送入院之后，榎本打电话通知同事拾埋自己既箱仔翻公司，自己要等吉本家属到再走。

到吉本醒翻天都已经黑了，见到榎本着住件带血工衣坐系床边等自己醒翻，感动到想即刻系医院不可描述咗榎本。中午赶住去吉本屋企装门锁求求其其食咗个包就行了，又饿又累既猫猫好委屈，【挂住屋企张梳发仔，鱼公仔，毛毯……】净系想翻屋企煮面食饱就训。

“吉本先生你醒了，医生话你毋咩大碍不过要留院观察一晚，需要我帮你联系屋企人或者熟人嘛？”

“我毋屋企人或者朋友……”一副孤寡老人既样毋办法要人放心，但是……

“感女朋友呢？唔打电话叫距过黎？”单身喵拾野准备撤退ing

“我毋女朋友喔，你点解感讲既？？？”吉本一脸懵逼表示几时多咗个女朋友

“感……你屋企d香薰同埋对粉色毛毛鞋……唔系女朋友既？……”轮到榎本懵逼了

“哦~之前我学生推荐俾我既话香薰有助于情绪安定，拖鞋系之前见天口冻又毋其他色就买黎着住先既，莫非阿径……”吉本笑淫淫感望住猫猫

“感中午个女仔呢？”“果个系我以前既学生黎嘎。”

“好了，阿径，我直接d问了，你系唔系中意我？”

"……"突然间感问法，榎本都打咗个突【究竟自己系度纠结d咩野，距有毋女朋友我感紧张做咩】陷入自我反省既猫猫尾巴卷成问号 ?

"唔紧要，我中意你就得了"突然将猫猫拉落黎揽实，榎本伸手去按求助铃搵医生检查下吉本个脑边度撞坏咗先会感样，点知俾吉本抓住手手仲要揽到实一实走唔到

“吉本先生……”

“我个脑毋问题，我亦都唔系系度开玩笑，我系讲真既，系第一次见面既时候我就已经中意咗你，俾次机会我猴唔猴。”接连两个直球打得榎本毋晒脾气，【睇在距又买耳机又买衫俾我既份上】沉默一阵之后点咗下头

毋几耐

“吉本先生……”

“嗯？”温柔的低音与身体其他部位既反应相反

“……你顶到我了……”

END

睇完TVB版既小锁匠而生既一篇，写完之后发现，补习天王人设并唔突出，猫猫还是猫猫……

猫猫可爱就好了（划掉）

就个人而言总会将两个人写好耐先会写得埋一齐，就算两个人系互相中意既，都系会拖拖沓沓感一段时间先会系埋一齐，会觉得一样野太过容易开始就会好容易结束。

嗯……就感啦~